Инцидент на СП: Познат ракометар ги шокираше сите неколку часа пред натпреварот
Ракометната репрезентација на Португалија дозна шокантна вест, пред натпреварот од 1. коло на Светското првенство против Соединетите Американски Држави. Репрезентативецот Мигел Мартинс падна на допинг тест неколку часа пред натпреварот.
Еден од најдобрите ракометари на репрезентацијата на Португалија, тој е член на Алборг, гигант од Данска. Мартинс побара и Б примерок, но на крајот нема да игра на СП.
Португалија е во групата Б, заедно со САД, Бразил и домаќинот Норвешка.
„Секако дека тоа е голем шок за нас, неверојатно е тоа што ни го кажаа – Веднаш стапивме во контакт со Мигел, кој е збунет како нас, и тврди дека не направил ништо незаконско. Веднаш побара да се направи Б тест за да се реши работата, но сигурно е дека нема да учествува на светското првенство“, изјави Јан Ларсен, директор на ракометниот клуб Алборг.
Инаку, ова е прв случај на допинг од почетокот на Светското првенство за ракометари. Првенството започна вчера, а ќе трае до 2 февруари.
За трофејот ќе се борат најдобрите 32 репрезентации во светот, а првенството е закажано во три земји: Хрватска, Данска и Норвешка. Данска ја брани титулата светски првак.
