Тајланд забранува продажба на канабис без рецепт
Денес во Тајланд стапи на сила наредба со која се забранува продажба на канабис без рецепт, која ја потпиша министерот за здравство на земјата, Сомсак Тепсутин, на почетокот на оваа недела.
Оваа наредба забранува продажба на канабис на клиенти кои не се на рецепт и ги прекласифицира пупките од канабис како „растение со контролирана употреба“, што се казнува со една година затвор и парична казна од околу 615 долари.
Тајландскиот оддел за традиционална и алтернативна медицина, кој е одговорен за спроведување на прописите за канабис, одржа состанок со службеници низ целата земја за да ги подготви за промената.
