„ИМА РАБОТНИЦИ, НО НЕМА РОБОВИ“: Пешевски ги разобличи лагите за недостигот на кадар
Во продолжение на дебатата во „Ноќно студио“ на 4TV, претседателот на Синдикатот за градежништво, Иван Пешевски, упати директен одговор до работодавачите кои постојано се жалат дека „нема веќе кој да работи“. Според него, егзодусот на градежниците не е желба, туку принудно бегство од понижувачкиот однос и несигурните градилишта во Македонија.
Пешевски посочува дека македонскиот работник веќе не бега само во Германија или Австрија. Сега дестинациите се многу поблиску, а условите – неспоредливо подобри.
„Не е точно дека нема работници. Има, но треба да ги платите! Цената на мајсторот порасна, но тоа мора да биде придружено со стаж, осигурување и 8-часовно работно време, а не со ропски труд,“ дециден е Пешевски.
Синдикалниот лидер направи шокантна споредба меѓу третманот на домашниот кадар и она што државата им го овозможува на странските стратешки партнери:
Пешевски потсети на протестите за минималната плата, потенцирајќи дека барањето за зголемување од само 600 денари во дневницата не е луксуз, туку „крик за опстанок“ во сектор каде смртта демне на секој агол.
„Македонскиот работодавач мора да разбере: ако сакате квалитет, понудете повеќе од ‘гола плата’. Потребно е достоинство. Работникот парите треба да ги заработи со својот труд, а не со страв дали ќе дочека утре,“ заклучи Пешевски.
