МОДЕРНО РОПСТВО: Спиење во смени и „автопати натопени со крв“ – Пешевски со жесток аларм
Во завршниот дел од гостувањето во „Ноќно студио“ на 4TV, претседателот на Синдикатот за градежништво, Иван Пешевски, упати досега најдиректни обвинувања кон државата. Тој открива дека зад големите проекти од „национален интерес“ се крие сурова експлоатација, затворски услови за работа и институционален криминал.
Пешевски опиша застрашувачки сцени од камповите на странските изведувачи каде се сместени работниците:
Синдикалниот лидер алармира дека државата свесно ги менува законите за да им угоди на стратешките партнери како „Бехтел и Енка“, на штета на здравјето на граѓаните.
„Се туркаат измени со кои работната недела би се зголемила на 60 или 72 часа. Сакаат да озаконат луѓе да работат по 12 часа секој ден. Не ни треба автопат натопен со крв од работници,“ вели Пешевски.
Обвинувањата се однесуваат и на економскиот егзодус на капиталот. Иако се ветуваше ангажман на домашни фирми, реалноста е поразлична:
Завршниот апел на Пешевски беше упатен директно до оние на скелињата и во рововите: Одбијте да бидете жртви!
„Ако условите се небезбедни – одбијте да работите! Не дозволувајте егзистенцијалниот притисок да ве претвори во бројка од црната статистика. Создадете притисок преку синдикатот, бидејќи во спротивно, за вашата смрт или повреда никој нема да сноси одговорност,“ заклучи тој.
