Тошковски: Нема несигурност во безбедносната состојба во Прилеп
Техничкиот министер за внатрешни работи Панче Тошковски при денешната посета на полициската станица во Прилеп ги демантираше сите тврдења за небезбедност, посочувајќи на статистички податоци.
– Минатата недела бев обвинет дека откако јас сум министер, се зголемила несигурноста во безбедноста на територијата на ОВР Прилеп. Но, податоците говорат дека од 1 јануари до 1 април оваа година бројот на пријавени кривични дела на територијата на ОВР Прилеп е во намалување. Во јануари има 117, во февруари 11, а во март се приавени 109 кривични дела. Во јануари имаме зголемен број на поднесени кривични пријави, 29, во февруари се 39, а во март 67, имаме намален број кривични дела со непознат сторител од општ криминалитет, така во јануари се 93, во февруари 82, а во март се 56. Имаме зголемена ефикасност за расветлување, така во јануари се расветлени 5 насто, во февруари 12, а во март се расветлени 25 проценти од случаите, изјави Тошковски.
Во последните 14 месеци во Прилеп се опожарени 15 возила, но Тошкоски не укажа на конкретни резултати туку дека, како што рече, секој што направил кривично дело по име и презиме ќе одговара.
Министерот Тошковски најави дека од утре Прилепската полициска станица ќе добие нов командир, како што рече, одбран од граѓаните. Инаку, во друг случај, Управниот суд потврдил решение на министерот, а поништил решение на Владата со кое му дал отказ на претходниот командир на полициското одделението во Ропотово, општина Долнени кој пукал од огнено оружје каде што не требало.
