Таравари бара итно отстранување на терминот „албански терористи“ од спомен-плочата за загинатите кај Вејце
Претседателот на Алијансата за Албанците, Арбен Таравари, упати барање за итна промена на натписот на спомен-плочата во касарната „Илинден“, посветена на загинатите припадници на безбедносните сили во масакрот кај Вејце во 2001 година. Реакцијата доаѓа откако министерот за одбрана, Владо Мисајловски, положи цвеќе пред обележјето на кое стои терминот „албански терористи“.
Таравари смета дека Ослободителната народна армија (УЧК) и нејзините борци не се терористи и инсистира на итна измена на текстот. Според него, ваквиот натпис е недозволив за државна институција.
Министерот за одбрана, Владо Мисајловски, преку социјалните мрежи информираше за положувањето венец, истакнувајќи ја храброста на паднатите бранители.
„Со длабока почит се потсетуваме на хероите кои го дадоа највредното за Македонија. Нивната жртва засекогаш останува дел од нашето сеќавање. Храброста и пожртвуваноста не обврзуваат да паметиме и да ја чуваме татковината“, напиша Мисајловски.
На 28 април 2001 година, во еден од најсуровите инциденти во конфликтот, животот го загубија осум припадници на безбедносните сили:
Таравари побара од министерот да ги искористи своите овластувања и да го отстрани она што тој го нарекува „говор на омраза“ од спомен-плочата во касарната „Илинден“.
