СЗО: Денга треската ќе стане голема закана за јужните делови на Европа и САД и делови од Африка
Денга треската оваа деценија ќе стане голема закана во јужниот дел на САД, јужна Европа и делови од Африка, со оглед на тоа дека повисоките температури создаваат поволни услови за комарците кои ја пренесуваат болеста, изјави Џереми Фарар, специјалист за заразни болести во Светската здравствена организација. СЗО).
Фарар рече дека треба многу поактивно да се разговара за денга треската.
„Мораме навистина да ги подготвиме земјите за тоа како ќе се справат со дополнителниот притисок што ќе дојде во иднина во многу големи градови“, додаде Фарар.
