Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 МЕЛБУРН ИМ СЕ ИЗВИНИ НА МАКЕДОНЦИТЕ ЗА ЗАБРАНАТА ДА ГО КОРИСТАТ ЗНАМЕТО ОД КУТЛЕШ На следниот фестивал поканети се слободно да го веат
Македонија

МЕЛБУРН ИМ СЕ ИЗВИНИ НА МАКЕДОНЦИТЕ ЗА ЗАБРАНАТА ДА ГО КОРИСТАТ ЗНАМЕТО ОД КУТЛЕШ На следниот фестивал поканети се слободно да го веат

17/11/2026

AA

Австралискиот град Мелбурн официјално ѝ се извини на македонската заедница во Австралија поради забраната за истакнување на знамето со сонцето од Кутлеш на овогодишната парада на фестивалот Мумба (Moomba). Истовремено, за 2027, македонската заедница е поканета да учествува на манифестацијата со користење и на ова знаме, објави грчкиот медиум „Неос Космос“.

Градските власти заклучиле дека, иако вработените постапиле со добра намера и со цел да ја гарантираат безбедноста, процесот на донесување на одлуката не ги исполнил очекувањата на заедницата и имал значително, ненамерно негативно влијание врз Македонците во Мелбурн.

Според извештајот на австралискиот јавен сервис Еј-би-си (ABC), одлуката на градските власти претходно годинава да не дозволат истакнување културни и регионални знамиња на парадата ја натера Федерацијата на македонските културно-уметнички друштва во Викторија (FOMKUD) да се повлече од учеството. Организаторите не им дозволиле на учесниците да го носат знамето со сонцето од Кутлеш.

Поради тоа, околу 80 млади Македонци не учествуваа на парадата во 2026 година, иако со месеци се подготвувале за настапот, вежбале и ги подготвувале традиционалните носии. Претставниците на заедницата изјавија дека забраната предизвикала разочарување и чувство на исклученост кај децата и нивните семејства.

Во вчерашното писмо со извинување, градските власти на Мелбурн признаваат дека со нивната одлука многу учесници, семејства и претставници на македонската заедница почувствувале дека нивниот културен идентитет и наследство не биле почитувани или правилно разбрани. Градот заклучил дека не биле почитувани принципите на човековите права при донесувањето одлуки, па усвоил препораки за обука на вработените, постапувањето по жалби и прецизирање на правилата за учество на парадата. Според „Неос Космос“, градските власти потврдиле дека ќе работат на спроведувањето на препораките пред фестивалот во 2027 година.

Извинувањето и поканата ги поздравија Федерацијата на македонските културно-уметнички друштва во Викторија, Советот на македонските заедници во Австралија и други организации и претставници на македонската заедница. Во заедничка реакција тие изразиле благодарност до градските власти за независната процена, прифаќањето на препораките и признавањето на последиците од забраната врз младите учесници.

Одлуката на градот Мелбурн предизвика негативни реакции кај дел од грчката заедница во Австралија. Панмакедонското здружение на Мелбурн и Викторија најавило дека ќе ја обжали одлуката кај надлежните институции.

.

Извор: plusinfo.mk

TACT.mk

Previous post
Последни Новини
Македонија

МЕЛБУРН ИМ СЕ ИЗВИНИ НА МАКЕДОНЦИТЕ ЗА ЗАБРАНАТА ДА ГО

17/11/2026
Македонија

ШТО НОСАТ ИЗМЕНИТЕ НА ЗАКОНОТ ЗА ВОЗИЛА ПРЕДЛОЖЕНИ ОД ВЛАДАТА

17/11/2026
Македонија

ПАЛАНЧАНЕЦ УАПСЕН ЗА СЕМЕЈНО НАСИЛСТВО Ја тепал својата 20-годишна ќерка

17/11/2026
Македонија

САД ПРЕДУПРЕДИЈА НА ТЕРОРИСТИЧКИ ЗАКАНИ КОН БУГАРИЈА За Македонија ризикот

17/11/2026
Македонија

НА 27 НОЕМВРИ КОРАБОСКИ ЌЕ СЕДНЕ НА ОБВИНИТЕЛНА КЛУПА Обвинет

17/11/2026
Македонија

НАЈМЛАДАТА ПАЦИЕНТКА СО РАК НА ГРЛО НА МАТКА ИМА 18

17/11/2026
Македонија

ПРЕТРЕС ВО РАДИОВЦЕ ПО ДОЈАВАТА ЗА БОМБА ВО ТЕТОВСКО Приведен

17/11/2026
Македонија

ДА НЕ БИДЕ УШТЕ ЕДНА ИЗМЕНА ЗАРАДИ ИЗМЕНА Македонија бара

17/11/2026
  • Економија 7906
  • Магазин 4842
  • Македонија 46813
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

ШТО НОСАТ ИЗМЕНИТЕ НА ЗАКОНОТ ЗА ВОЗИЛА ПРЕДЛОЖЕНИ ОД ВЛАДАТА Со еден клик ќе се

17/11/2026

Со новиот електронски систем надлежните органи ќе можат со еден клик да проверат дали возилото има важечка регистрација и осигурување,

ПАЛАНЧАНЕЦ УАПСЕН ЗА СЕМЕЈНО НАСИЛСТВО Ја тепал својата 20-годишна ќерка

17/11/2026

На 16.11.2026 во 21:25 часот полициски службеници од ОВР Крива Паланка го лишија од слобода Н.А.(51) од Крива Паланка, постапувајќи

САД ПРЕДУПРЕДИЈА НА ТЕРОРИСТИЧКИ ЗАКАНИ КОН БУГАРИЈА За Македонија ризикот е низок

17/11/2026

Ризикот од терористички активности во земјава останува низок, каков што е и подолг временски период наназад и покрај глобалните трендови

Novina.mk Novina.mk

©2022. All Rights Reserved.

Контакт
Privacy Policy