ОСУМ ГОДИНИ ЗАТВОР ЗА ШТЕКЛИ: Паднаа пресудите за групата што тргувала со кокаин и марихуана
Раде Трајковски – Штекли денеска доби затворска казна од осум години, откако Основниот кривичен суд Скопје го прогласи за виновен за организирање група за трговија со дрога.
Судскиот совет, со кој претседаваше судијата Илија Трпков, утврди дека Трајковски стои зад организацијата на мрежа за препродажба на наркотични средства, поточно кокаин и марихуана.
Покрај Трајковски, судот изрече повеќегодишни затворски казни и за останатите четворица обвинети во овој предмет:
Судијата Трпков при објавувањето на пресудата истакна дека процесот бил воден со висок степен на ажурност, со цел правдата да биде задоволена во разумен рок.
„Оваа постапка започна пред девет месеци и имаше континуиран тек, со цел ефикасно завршување на овој притворски предмет“, посочи судијата Илија Трпков.
Предметот беше дел од поширока истрага насочена кон сузбивање на организираните криминални групи кои дејствуваат на територијата на главниот град. На осудените ќе им се пресмета и времето поминато во притвор.
