ОСОМНИЧЕНА Е ЗА ТЕШКО УБИСТВО: Уапсена е мајката на детето по кое се трага во Загреб

Уапсена е мајката на детето кое од вчера се бара во реката Сава во Загреб.  Таа е осомничена за тешко убиство.

Откако добила лекарска помош, 34-годишната жена е приведена и донесена во полициската управа.  Полицијата во Загреб ја продолжи потрагата по тригодишното девојче кое исчезна откако вчера нејзината мајка со детето во раце влегла во реката.

Потрагата по детето, го опфаќа целиот слив на реката Сава, вклучително и подрачјето на Загреб и Загребската жупанија.

Заменик-градоначалникот на Загреб, Лука Корлает, кажа дека во операцијата учествуваат 45 припадници на полицијата и другите служби и 33 пожарникари. Потрагата вклучувала и употреба на полициски хеликоптер со камера за термо снимање. Од утрото во потрагата се вклучија и пожарникари надвор од градските граници. Во потрагата учествуваат и припадници на Цивилната заштита, Црвениот крст и Хрватската планинска спасувачка служба. Уште вчера некои медиуми објавија дека жената го фрлила детето во реката. 

Фото: Facebook Hrvatski Crveni križ/Croatian Red Cross