Навални е преместен во ќелија со уште потешки услови
Рускиот опозициски лидер Алексеј Навални најави дека ќе биде преместен во ќелија со уште построги услови за притвор, еден ден откако рускиот апелационен суд ја потврди неговата 19-годишна казна за екстремизам, пренесе АФП.
Навални моментално се наоѓа во казнена колонија во Мелехово, 250 километри источно од Москва, каде што редовно го праќаат во дисциплинска ќелија. Овој пат опозицискиот политичар треба да биде затворен во ќелија позната како „ЕПКТ“ – единствена ќелија со најтешки услови во рускиот затворски систем.
„Вчера веднаш по жалбата на случајот против мене ме однесоа во комисијата и соопштија дека поради мојата непоправливост ќе бидам префрлен во ЕПКТ на 12 месеци“, објави Навални преку порака на социјалните мрежи. Од неговото апсење во јануари 2021 година, тој комуницира главно преку пораки испратени до неговите адвокати, а потоа објавени на социјалните мрежи.
„Една година ЕПКТ е најлошата можна казна во затворските колонии“, објасни Навални. Тој додаде дека се чувствува „како заморена рок-ѕвезда на работ на депресија која го достигнала врвот на топ листите и нема што да претендира“.
