Лидерот на Хезболах се заканува: Дали ќе има голема војна зависи од 2 работи! САД, го имаме подготвен одговорот за вашите флоти
Оваа операција е одлична, оваа света операција беше 100% палестинска и спроведена од Палестинци. Немаше негативна страна на оваа операција, а тие не можеа поинаку, истакна Насрала
Во тек е обраќањето на лидерот на Хезболах Хасан Насрала, прво од почетокот на војната во Израел на 7 октомври.
Целиот свет со големо внимание го следи говорот на Насрала, кој може да објави сеопфатна војна против Израел.
Во овој момент не се знае каде точно се наоѓа и од каде зборува. На почетокот на своето обраќање, лидерот на Хезболах им оддаде почит на „либанските и палестинските маченици“ кои загинаа во конфликтот.
„Мои браќа и сестри, мир на сите вас. Денеска сме тука да се потсетиме на оние кои се модели на Хезболах“, рече Насрала.
Тој вели дека некои либански и палестински борци кои загинаа во операцијата „Тајфун Акса“ добиле медал и дека денеска се разговара со нивните семејства.
„Ако сакавте да барате војна со сите права етички, морално и религиозно, не можете да најдете војна“, додава тој.
Насралах рече дека операцијата тајфун Акса се проширила од Газа во Либан и други региони.
Тој нагласи дека ова е „битка против ционистичките освојувачи“.
„Нашата вистинска сила лежи во вербата и длабоката посветеност на каузата пред оружјето. Зборовите не можат да ја опишат моќта на Палестинците“, рече тој во своето обраќање.
