Кривични пријави за родителите на малолетничките кои претепаа 13-годишно девојче во Ѓорче Петров

Единицата за внатрешни работи Ѓорче Петров при СВР Скопје денеска (5 мај) поднесе серија кривични пријави против родителите на малолетничките кои неодамна беа инволвирани во физичкиот напад врз 13-годишно девојче. Родителите ќе одговараат пред законот за запуштање на своите деца.

Според официјалното известување од полицијата, до Основното јавно обвинителство (ОЈО) Скопје се поднесени вкупно шест кривични пријави поради основи на сомнение за сторено кривично дело по член 201 став 1 од Кривичниот законик – Запуштање и малтретирање дете.

Пријавите се поднесени против следните лица (родители на инволвираните малолетнички):

Од Министерството за внатрешни работи појаснуваат дека овие мерки против родителите се преземени директно поради фактот што нивните малолетни деца сториле кривично дело по член 386 од КЗ, односно извршиле физички напад врз 13-годишната малолетничка во населбата Ѓорче Петров.

Денешните пријави против родителите следуваат откако полицијата ги процесираше и директните извршителки на врсничкото насилство.

Минатата недела, поточно на 29 април, полициската станица од Ѓорче Петров до скопското Обвинителство веќе поднесе соодветна кривична пријава против четири малолетнички во врска со истиот настан.