Косовското обвинителството ослободи четворица Срби поради недостиг на докази
Специјалното обвинителство во Приштина денеска соопшти дека ослободило четворица осомничени за престрелката во Бањска во Звечан, поради недостиг на докази дека тие биле вмешани во случајот.
Како што соопшти Обвинителството, осомничените се ослободени во вторникот, пренесува Коха.
„Ве информираме дека четири лица кои беа уапсени за време на акцијата на косовската полиција, во селото Бањска во општина Звечан, вчера беа ослободени од Специјалното обвинителство на Република Косово во отсуство на докази од косовската Полицијата“, соопшти Обвинителството, пренесува Танјуг.
Косовската полиција уапси осум лица осомничени дека се поврзани со вооружениот конфликт во неделата во селото Бањска.
