КОРИДОР 8: Пругата кон Бугарија со прогрес од 35%, се подготвува терен за последната делница
Изградбата на стратешката железничка врска кон Бугарија влегува во фаза на зголемен интензитет. Директорот на ЈП Железници Инфраструктура, Синиша Ивановски, преку видео приказ на својот Фејсбук профил информираше за тековниот напредок на втората фаза од Коридорот 8.
Според информациите на Ивановски, на делницата во должина од 34 километри веќе е остварен прогрес од 35 проценти на предвидените градежни работи.
„Бележиме зголемен интензитет на активностите. Ова е клучна секција која не носи чекор поблиску до целосно железничко поврзување со источниот сосед,“ истакна Ивановски.
Паралелно со работата на терен, Министерството за транспорт ги забрзува административните процедури за најтешката и последна делница:
Од ресорното министерство нагласуваат дека овие чекори се дел од јасната стратегија на Владата за етаблирање на Македонија на европската мапа на коридори.
„Коридорот 8 не е само инфраструктурен проект, туку стратешки економски и безбедносен приоритет кој ќе донесе нов импулс за развој на државата и целиот регион,“ велат од Министерството за транспорт.
Со реализацијата на овој проект, Македонија конечно ќе добие модерна железничка врска која ги поврзува Јадранското и Црното Море.
