Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 Како за 48 часа се случи најголемиот банкрот на американска банка од 2008 година?
Македонија

Како за 48 часа се случи најголемиот банкрот на американска банка од 2008 година?

12/03/2023

AA

Американската банка Silicon Valley Bank (SVB) банкротираше. Според американските медиуми, тоа е втор најголем банкрот на финансиска институција во историјата на САД и најголем банкрот на американска банка од 2008 година.

Колапсот на оваа банка може да има значителни последици за стартап и технолошкиот сектор. Имено, како што пишува CNBC, последиците би можеле да бидат далекусежни, стартапите можеби нема да можат да ги платат вработените во наредните денови, а инвеститорите може да имаат проблеми со собирање средства.

Банката на Силиконската долина сега е регулирана од Федералната агенција за осигурување на депозити на САД (FDIC). Нејзиниот имот бил конфискуван.

Иако е релативно непозната надвор од Силиконската долина, банката на Силиконската долина беше меѓу 20-те најголеми американски комерцијални банки, со вкупен имот од 209 милијарди долари на крајот на минатата година, според FDIC.

Основана во 1983 година, банката обезбеди финансирање за речиси половина од американските технолошки и здравствени компании.

Банката во Силиконската долина се соочи со несоодветна ликвидност и несолвентност, велат банкарските регулатори во Калифорнија, каде што е сместена компанијата.

Федералната агенција за осигурување на депозити, која вообичаено ги штити депозитите до 250.000 американски долари, соопшти дека презела контрола над околу 175 милијарди долари кои се чуваат во банката.

Канцелариите на банката повторно ќе бидат отворени, а клиентите со осигурени депозити ќе имаат пристап до средствата најдоцна до понеделник наутро, се вели во соопштението на FDIC, во кое се додава дека парите собрани од продажбата на имотот на банката ќе одат кај неосигурените штедачи, пишува CNN.

Пад за само 48 часа

Сè започна во средата доцна навечер.

Во последниве недели, стартапите и ИТ клиентите почнаа да повлекуваат повеќе од своите средства од банката, што доведе до тоа банката да најде недостиг од капитал.

Во средата вечерта, банката ненадејно објави дека треба да собере 2,25 милијарди долари за да го поддржи билансот на состојба.

Само 48 часа подоцна, паниката поради објавувањето стави крај на 40-годишното работење на 16-тата најголема банка во САД.

Клиентите почнаа френетично да ги повлекуваат своите пари по објавувањето и повлекоа неверојатни 42 милијарди долари до крајот на четвртокот. Во петокот, FDCI ја затвори банката.

Клиентите се загрижени

Многу клиенти се загрижени за својата иднина.

„Само одам до филијалата за да си ги земам парите. Се обидов да ги префрлам вчера, но не можев. Ги знаете тие моменти каде што можеби сте навистина заебани, но не сте сигурни? Ова е еден од тие моменти“, изјави основач на стартап за Би-Би-Си.

Еден основач на здравствени стартап рече: „Буквално пред три дена стигнавме до милион долари на нашата банкарска сметка… И тогаш се случи ова. Можев да ги префрлам парите на друга сметка, трансферот чекаше, не знаев што ќе се случеше, а потоа утрово видов дека парите се префрлени. Но знам некои кои го направија истото неколку минути по мене и парите не им беа префрлени, тоа беше луда ситуација“.

Александар Јокум, аналитичар во Капитал Рисрч, рече дека банките кои се специјализирани за поединечни индустрии, а СВБ главно концентрирана на стартапи и ИТ индустријата, се сметаат за ранливи на брзо повлекување готовина.

„Банката на Силиконската долина немаше да изгуби пари доколку не и снема готовина за да ги врати парите на клиентите“, рече тој. „Проблемот беше што луѓето сакаа пари, а ги немаа – ги инвестираа, инвестициите паднаа и луѓето сакаа пари да излезат“, опиша тој.

TACT.mk

Previous post
Next post
Последни Новини
Македонија

ПАЛАНЧАНЕЦ УАПСЕН ЗА СЕМЕЈНО НАСИЛСТВО Ја тепал својата 20-годишна ќерка

17/11/2026
Македонија

САД ПРЕДУПРЕДИЈА НА ТЕРОРИСТИЧКИ ЗАКАНИ КОН БУГАРИЈА За Македонија ризикот

17/11/2026
Македонија

НА 27 НОЕМВРИ КОРАБОСКИ ЌЕ СЕДНЕ НА ОБВИНИТЕЛНА КЛУПА Обвинет

17/11/2026
Македонија

НАЈМЛАДАТА ПАЦИЕНТКА СО РАК НА ГРЛО НА МАТКА ИМА 18

17/11/2026
Македонија

ПРЕТРЕС ВО РАДИОВЦЕ ПО ДОЈАВАТА ЗА БОМБА ВО ТЕТОВСКО Приведен

17/11/2026
Македонија

ДА НЕ БИДЕ УШТЕ ЕДНА ИЗМЕНА ЗАРАДИ ИЗМЕНА Македонија бара

17/11/2026
Македонија

ФАТЕН СО 500 ЕВРА ПОТКУП, ПРИВЕДЕН РАКОВОДИТЕЛ ВО ДЗС Парите

17/11/2026
Македонија

СТУДЕНТСКИОТ ДОМ „КУЗМАН ЈОСИФОВСКИ – ПИТУ“ ЌЕ БИДЕ ОТВОРЕН ВО

17/11/2026
  • Економија 7906
  • Магазин 4842
  • Македонија 46811
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

Цената на нафтата порасна по мешаните сигнали за тензиите меѓу САД и Иран

27/06/2025

Американската сурова нафта WTI (West Texas Intermediate) денес поскапе за повеќе од еден процент, на близу 66 долари за барел,

Трамп најави потпишување на трговски договор меѓу САД и Кина

27/06/2025

Претседателот на Соединетите Американски Држави, Доналд Трамп, изјави дека САД и Кина потпишале трговски договор, но не беа објавени детали

Тајланд забранува продажба на канабис без рецепт

27/06/2025

Денес во Тајланд стапи на сила наредба со која се забранува продажба на канабис без рецепт, која ја потпиша министерот

Novina.mk Novina.mk

©2022. All Rights Reserved.

Контакт
Privacy Policy