Измама во Гостивар: Фирма со одземена лиценца незаконски наплаќала илјадници евра од станари

Гостиварска фирма и нејзиниот одговорен менаџер се соочуваат со кривични пријави откако со измама успеале да противправно да присвојат над 200.000 денари од станбена зграда во градот. И покрај тоа што правниот субјект веќе немал лиценца за управување со станбени објекти, тој продолжил со дејноста, прикривајќи ги фактите од станарите.

Според официјалните информации од МВР, СВР Тетово поднесе пријава против правниот субјект и 44-годишниот В.Д. од Гостивар. Истрагата утврдила дека во текот на 2025 година, фирмата неовластено наплаќала средства на име „резервен фонд“, уверувајќи ги граѓаните дека парите ќе бидат искористени за реновирање и уредување на внатрешните простории во зградата.

Наместо за подобрување на условите за живеење, сумата од 208.500 денари била злоупотребена. Второпријавениот В.Д. неовластено се послужил со доверените парични средства, со што директно ги оштетил станарите.

Полицијата случајот го квалификува како кривично дело „измама“ и „послужување“. Овој инцидент е уште еден аларм за заедниците на сопственици во станбените згради внимателно да го проверуваат статусот и лиценците на фирмите на кои им го доверуваат управувањето со нивниот имот и заедничките средства.