ВЛАДАТА Е ИЗБРАНА ЗА МАНДАТ ОД 4 ГОДИНИ, НО НЕ СЕ ПЛАШИ ОД ИЗБОРИ Левица, СДСМ и ДУИ можат да побараат во кое било време

Претседателот на Владата Христијан Мицкоски при гостување на телевизијата Алсат М, прашан дали ќе има предвремени избори, уште еднаш повтори дека владата е избрана за мандат од четири години, но е подготвен за избори. Опозицијата, посочи во секое време може да поднесе барање за избори.

– Мојот став е јасен, ние сме влада избрани за мандат од 4 години и тука немаме никаква дилема и исто така неколку пати сум го повторил во јавноста дека здружената опозиција Левица, ДУИ, СДСМ можат секое време да поднесат барање. Политичар без разлика дали е во власт или во опозиција, без разлика, треба секогаш да ја подготвен за избори затоа што не се знае кога може да се да се случат – посочи Мицкоски.

Премиерот го образложи ставот со актуелниот момент во политиката.

– Еве сега имаме избори поради, за жал, трагично завршен живот на градоначалникот на Брвеница, во Брвеница. Не се знае што се може да се случи. Во политиката никогаш немојте да кажете никогаш. Но она коешто во моментот е моја порака е дека работиме за мандат од 4 години како коалициона влада во којашто се политичките партии ЗНАМ и ВЛЕН – одговори Мицкоски на гостувањето на телевизија

.

Извор: plusinfo.mk