АД Пошта предвреме ги отплати кредитите за да заштеди на камати
Орхан Куртиши, генералниот директор на АД Пошта на РСМ објави дека креидтите кои друштвото ги подигна за да ја преброди кризата во своето работење, се предвремено исплатени и со тоа се заштедени пари за камати.
„Го исплативме долгот од 2,5 милиони евра и заштедивме 300 илјади евра од камата. Голем чекор кон финансиската стабилност и нови можности за Поштата на Северна Македонија“, објави Куртиши.
Претходно независните ревизори објавија дека „Пошта“ се задолжувала кај деловни банки и кај национални претпријатија, а министерот за транспорт Александар Николоски во една прилика рече дека меѓу нив имало и „лихварски“ договори.
Едно време и самата Влада од буџетот му префрлаше пари на акционерското друштво за да опстане во своето работење и да подели плати за вработените.
