Димитриевски: Додека ЗНАМ е во Владата, правосудниот испит ќе се полага само на македонски јазик!
Претседателот на Движењето ЗНАМ, Максим Димитриевски, изјави дека правосудниот испит ќе продолжи да се полага на македонски јазик сè додека неговата партија е дел од Владата.
Изјавата ја даде денеска во Кочани, каде што заедно со партиското раководство ги презентираше резултатите од двегодишното работење на ЗНАМ, осврнувајќи се и на актуелните дебати и барања правосудниот испит да се полага и на албански јазик.
„Додека ЗНАМ е дел од Владата, правосудниот испит ќе се полага согласно законите и Уставот, на македонски јазик. Може да има барања, притисоци и различни шпекулации, но нашиот став е јасен. Тоа се нашите црвени линии и нема да отстапиме од нив“, изјави Димитриевски.
Тој додаде дека партијата нема да прави компромиси за принципи кои, според него, се спротивни на Уставот и законите./Novina
