БРВЕНИЦА ВО НЕДЕЛА ГО ИЗБИРА НОВИОТ ГРАДОНАЧАЛНИК Денеска гласаат болните и изнемоштените, почна и изборниот молк
Вториот круг од предвремените избори за градоначалник на Општина Брвеница ќе се одржи утре, 1 ноември, а денеска во населените места во општината гласаат болните и изнемоштените лица.
Првиот круг од предвремените избори се одржа на 18 октомври, кога најмногу гласови освоија кандидатите на ВМРО-ДПМНЕ и ДУИ, кои ќе се соочат во вториот круг.
На полноќ почна изборниот молк за вториот круг од предвремените избори за градоначалник на Општина Брвеница.
На изборите одржани на 18 октомври, право на глас имаа 16.256 граѓани, а излезноста изнесуваше 46,56 отсто, односно гласале 7.565 избирачи.
Бидејќи ниту еден од кандидатите не го освои потребното мнозинство, во Општина Брвеница се организира втор круг гласање.
Предвремените избори за градоначалник во општината се распишани откако градоначалникот Јовица Илиевски ненадејно почина.
.
Извор: plusinfo.mk
