(ВИДЕО) Водата достигна еден метар, најкритично е на Евија
Поплави денеска има во северниот дел на грчкиот остров Евија.
Во повеќе села од рано утрово има сериозни проблеми поради невремето „Илиас“ што предизвика поплави како на домовите, така и на улиците, јави дописничката на МИА од Атина. Предизвикана е материјална штета, во одредени делови има и лизгање на земјиштето, а поради проблемите на патната инфраструктура, во прекин е сообраќајот на повеќе локални патишта.
Грчката државна телевизија ЕРТ објави дека во северниот дел на островот е и министерот за климатска криза и цивилна заштита, Василис Кикиљас.
„Водата достигна еден метар во селото“, изјави претходно градоначалникот на Мантуди.
Како што јавија локалните медиуми, патот северно од Евија е пресечен на два дела поради свлечиште во селото Дервен.
И летово во Грција имаше невреме кое однесе жртви.
