(ВИДЕО) ПОТРАГА СО ДРОНОВИ И ЧАМЦИ ВО ЗАГРЕБ: Мајка со детето влегла во Сава, па пријавила дека детето се удавило
Во Загреб попладнево жена влегла во реката Сава со своето дете, по што самата се јавила во полиција за да пријави дека детето се удавило, јавува „Јутарњи лист“.
На жената ѝ е укажана лекарска помош, додека телото на детето го бараат стотици полицајци со дронови и чамци, соопшти полициската управа во Загреб.
Според медиумите, детето по кое се трага е девојче на возраст од три или четири години. Локацијата до железничкиот мост на реката Сава, познат и како „Хендриксов мост“ од попладнево е окупирана од итните служби. Полицијата, пожарникарите, ХГСС и цивилната заштита се на терен.
Покрај интензивната потрага на копно, подигнат е и дрон со термална камера, додека неколку чамци ја пребаруваат реката.
