ВИДЕО „Бутел“ ја призна грешката, по грешка ги бетонирала гробиштата и направила место за уште еден гроб

По жестоките реакции на семејствата чии гробни места на градските гробишта „Камник“ (Синѓелиќ) беа затрупани со бетон и изместени, Акционерското друштво „Бутел“ излезе со официјално појаснување. Од претпријатието признаваат дека станува збор за превид при изведбата кој веднаш се санира.

Во одговорот од АД „Бутел“ се појаснува дека бетонирањето на гробните места, односно поставувањето на бетонски фундамент, е нивна редовна обврска на овие гробишта, но при изведбата на конкретните парцели дошло до грешка во позиционирањето.

Освен санирањето на згрешените димензии на гробните парцели, постигнат е договор и за решавање на проблемот со безбедноста на теренот. Имено, граѓаните претходно алармираа дека по стеснувањето на патот над гробиштата постои опасност од одрони, а институциите одбиваа да преземат одговорност за изградба на заштитен ѕид.

Со најновиот развој на настаните, тој проблем е надминат откако раководството излегло на терен.