ВИДЕО: Бизарен момент на Парадата на победата во Москва: Сите камери се вперени кон Путин, но тој само немо гледа
Најбизарниот момент од парадата на Денот на победата во Москва се сведе на следново – Владимир Путин немо гледаше како еден тенк минува низ Москва како дел од воената парада, неспоредлива со оние од блиското минато. Тенкот Т-34, остаток стар 83 години, традиционално го отвори овој приказ на руската воена моќ најмногу поради неговата симболична улога во Втората светска војна. Споменатиот тенк беше клучен во победата против нацистичка Германија.
Сепак, тенкот од советската ера обично е придружен со посовремени борбени машини со целосен размер. Овој пат ништо од тоа.
Западните аналитичари сметаат дека одлуката за ограничување на парадата најверојатно е донесена за да се прикријат загубите што ги претрпеа руските вооружени сили од инвазијата на Украина во февруари минатата година.
Руските власти, сепак, рекоа дека обемот на парадата ќе биде намален откако Украина беше обвинета за наводен напад со беспилотно летало врз Кремљ во обид да се убие Владимир Путин. Киев постојано негираше каква било улога во наводниот напад.
Путин го искористи својот говор за Денот на победата за да го обвини Западот дека води војна против Русија, велејќи им на колоните војници на Црвениот плоштад дека Русија мора да се брани од „меѓународниот тероризам“.
Sound on for this video – and you’ll know why the Russian army looted washing machines in Ukraine!
(It’s a joke, guys!) pic.twitter.com/vFEspKqazO
— Anton Gerashchenko (@Gerashchenko_en) May 9, 2023
Денот на победата, кој Русија го слави на 9 мај, отсекогаш бил време за жалење за колосалните воени и цивилни загуби што Советскиот Сојуз ги претрпе во нацистичката инвазија.
Но, рускиот претседател оваа година го искористи настанот за да започне бесна тирада за „сеопфатна војна против Русија“.
Стоејќи на бината на Црвениот плоштад, опкружен со ветерани и помлади офицери, Путин го нападна Западот, велејќи дека „против Русија е започната вистинска војна“. Тој се обиде да ја прикаже Украина како „заложник“ на Западот и неговите „неонацистички“ сојузници.
Тој рече дека иднината на Русија „почива на“ војниците кои се борат во Украина.
„Нема ништо поважно сега од вашите борбени напори“, им рече рускиот претседател на војниците што се борат во Украина, од кои некои беа присутни на парадата.
„Безбедноста на земјата почива на вас денес, иднината на нашата земја и народ зависи од вас“, им порача Путин на толпата.
