Вардар со три засилувања и двајца повратници се „чекира“ на Златибор!
Со црвено–црната експедиција отпатува и македонскиот репрезентативец Владица Брдаровски, кој повторно го носи вардаровиот дрес, Ласо Фигураедо Педрињо, кој доаѓа од бугарскиот тим Минјор Перник, како и Лука Трајковски, фудбалер кој претходно настапуваше за екипата на Победа Прилеп. Покрај нив во екипата се вратија Мартин Блажевски, кој минатата полусезона настапуваше како позајмен играч во тимот на ФК Скопје и Бењамин Демир, кој по пауза од неколку месеци повторно е подготвен да се бори за црвено црните.
„Ја информираме јавноста дека сме во преговори со уште неколкумина фудбалери, кои во наредниот период би требало да го засилат тимот. Можно е дел од нив уште деновиве да му се приклучат на остатокот на екипата, на подготовките на Златибор“, велат од таборот на Вардар.
Вардар договори четири пријателски средби за време на престојот во северното соседство и тоа против Металац Горњи Милановац (17 јули), Бокељ Котор (20 јули), Смедерево (23 јули) и против Дубочица на 28 јули.
