Трагедија во Прилеп: 20-годишно момче загина во сообраќајна несреќа на улицата „Леце Котески“
Утрово околу 08:00 часот, на улицата „Леце Котески“ во Прилеп, се случи тешка сообраќајна несреќа во која животот го загуби 20-годишно момче. Несреќата се случила во непосредна близина на фабриката „Витаминка“.
Според првичните информации, во несреќата учествувало младо момче со иницијали В.Б., жител на прилепското село Големо Коњари. Жртвата управувала мотоцикл во моментот на кобниот настан.
Причините за сообраќајната несреќа засега се непознати. Полициски екипи и надлежни органи извршија увид на местото на настанот за да се утврдат околностите кои довеле до овој трагичен исход.
Повеќе детали и официјални информации од Министерството за внатрешни работи се очекуваат во текот на денот.
