„Трајчо не е виновен, селаните ни љубоморат затоа што имаме 250 овци“: Се огласи мајката на серискиот убиец, еве како го правда!
Додека јавноста со нестрпливост ги очекува официјалните наоди од истрагата за серијата свирепи убиства во кумановскиот регион, нови детали излегуваат на површина за профилот на 25-годишниот Т.Б., главниот осомничен во случајот.
Мајката на осомничениот 25 годишник, во изјава за кумановското „Бум Радио“, застана во одбрана на својот син. Таа тврди дека 25-годишникот е невин и дека неговото секојдневие било посветено на пасење овци.
Според неа, мотивот за сомнежите и претходните пријави во полиција не е криминал, туку соседска завист.
„Трајчо не е виновен, пасеше овци и беше мирен, но селаните ни љубоморат бидејќи имаме 250 овци“, вели мајката која не сакала да се снима.
Додека јавноста очекува официјални информации од службите по повод вознемирувачкиот настан, жителите во Челопек и Драгоманце се плашат за нивната безбедност и се сомневаат дека Трајчо веројатно имал и соучесник.
Како што пренесе кумановското радио, според претседателот на месната заедница во Челопек, Стојан Станковски, сите биле под клуч, бидејќи мештаните биле уверени дека осомничениот не можел сам да ги планира и извршува делата.
Обвинителството веќе поведе постапка против Т.Б. за убиството на 78-годишната М.С. од селото Челопек. Според досегашните сознанија во периодот од 27 јануари до 12 февруари, на точно неутврден датум, во селото Челопек, Општина Старо Нагоричане, со умисла и на свиреп и подмолен начин ја убил.
Поради сличностите во однос на изборот на жртвите и суровиот начин на извршување на делото, се испитува дали и во други случаи станува збор за убиства извршени од истиот сторител, кажаа од Обвинителството.
