Тимот од „Градски парк“ остана без двајца првотимци пред вечното дерби со МЗТ!
Репрезентативецот Кристијан Николов ја прекина соработката со клубот од „Градски парк“ чиј член беше половина месец. На трите натпревари од квалификацискиот турнир за ФИБА Еврокупот, репрезентативецот одигра вкупно осум минути и постигна само еден поен, додека во првенството настапи само во првото коло, против ТФТ кога на теренот помина 12 минути.
Тренерот Димитар Мираковски најмалку еден месец нема да може да смета на српскиот интернационалец Ѓорѓе Џелетовиќ, кој на мечот против Пелистер минатата недела го скршил прстот на раката. Неговото отсуство може да биде од големо значење бидејќи се работи за еден од најдобрите играчи на Работнички и носител на играта, а што најдобро се виде и во вечерашниот пораз кај Чаир 2030 (82-83), прв во домашното првенство сезонава.
Дуелот меѓу двата најтрофејни клуба во македонската кошарка е на програмата во следното коло, а домаќин ќе биде Работнички.
