Стојчевски: Безбедноста на едно градилиште чини колку само еден продаден квадрат од зграда
Штедењето на мерки за безбедност е најчестиот начин на кој градежните фирми се обидуваат да понудат најниска цена на пазарот, но цената на човечкиот живот нема износ. Борче Стојчевски од „Тутела“, во завршниот дел од гостувањето на 4ТВ, повлече паралела меѓу вртоглавите цени на недвижностите и минималните вложувања потребни за заштита на работниците.
Според Стојчевски, клучната промена во новиот законски пристап е префрлањето на дел од одговорноста врз инвеститорот. Досегашната пракса каде инвеститорите се оградуваа од несреќите со изговорот „јас само најмив фирма“, мора да престане.
„Кога одговорноста ќе биде и кај инвеститорот, тој многу повнимателно ќе бира кого ангажира. Изборот на изведувачот е пресуден за тоа како ќе се одвива градбата – дали по европски стандарди или со импровизации“, појаснува тој.
Стојчевски изнесе интересна споредба за трошоците на заштитните мерки во однос на профитот од градбите:
Бидејќи бројот на официјални инспектори е недоволен, Стојчевски предлага подигање на колективната свест каде секој граѓанин ќе биде еден вид контролор.
Стојчевски заклучува дека иако има фирми во Македонија кои работат по европски стандарди и ја чуваат „главата на работникот и угледот на фирмата“, сепак кај мнозинството сè уште доминира желбата за брз профит преку кратење на основните заштитни механизми.
