Собранието одлучи: Продолжена кризната состојба за снабдување со нафтени деривати до 20 јули
Поради континуираните ризици и геополитичките тензии на Блискиот Исток, Собранието на Република Северна Македонија денеска донесе одлука за продолжување на кризната состојба на целата територија на државата, поврзана со можно попречување во снабдувањето со нафта и нафтени деривати.
Пратениците на денешната пленарна седница го усвоија предлогот за продолжување на рокот на кризната состојба, со цел институциите да имаат одрзан механизам за брза реакција и заштита на домашниот пазар при евентуални нарушувања на глобалниот синџир на снабдување.
Главен мотив за ваквиот превентивен потег остануваат нестабилноста и конфликтот на Блискиот Исток, кои директно влијаат врз сигурноста на испораките на светско ниво.
Пред да биде изгласана на пленарна седница, оваа предлог-одлука претходно доби поддршка и зелено светло од собраниската Комисија за одбрана и безбедност.
