Со автомат „Стен“ и нож им се заканувал на сопругата и ќерките во Чучер Сандево
Основното јавно обвинителство Скопје отвори истрага против жител на Чучер Сандево кој во својот дом криел илегален арсенал, а ситуацијата ескалирала кога извршил семејно насилство загрозувајќи ги животите на најблиските.
Настанот се случил на 13 јануари, кога полицијата интервенирала по пријава за семејно насилство.
Според обвинителството, во домот на осомничениот се одвивала вистинска агонија.
Откако полициските службеници пристигнале во домот за да го спречат насилството, сопругата ги известила дека насилникот поседува и огнено оружје. При претресот пронајдени се:
Осомничениот се товари за две кривични дела: „Неовластено изработување, држење, посредување и тргување со оружје“ и „Загрозување на сигурноста“ при вршење на семејно насилство.
Поради сериозноста на заканите, опасноста од бегство и можноста да го повтори делото (да ги повреди сопругата и децата), јавниот обвинител достави предлог до судија на претходна постапка за определување на мерка притвор.
