![„Силјановска треба да биде претседател за да ги врати достоинството и почитта“, вели Мицкоски](https://novina.mk/wp-content/uploads/2024/04/1712172476_mickoski-850x560.webp)
„Силјановска треба да биде претседател за да ги врати достоинството и почитта“, вели Мицкоски
Претседателот на ВМРО-ДПМНЕ, Христијан Мицкоски во вечерашниот дуел помеѓу него и лидерот на СДСМ, Димитар Ковачевски, „рече дека со прифаќањето на францускиот предлог, власта ги понижи граѓаните“.
Мицкоски потенцираше дека нема да има под овие услови промена на Уставот, така што позицијата е објаснета, освен да ја осуди позицијата на Ковачевски и Пендаровски, на која се противат 85 проценти од граѓаните.
– Сега сум позагрижен кога слушнав дека Ковачевски ја носел таа одлука, дека од октроиран политичар зависи судбината на нашите деца и на нашите неродени потомци. Вие да влезете во авантура да одлучувате без да добиете поддршка од парламентот, тогаш сте направиле огромна грешка. Тоа е срамота, понижувачки и не вреди дополнително да се коментира“, вели претседателот Мицкоски.
На прашањето за претседателски кандидат, тој вели дека „Гордана Силјановска Давкова треба да биде претседател за да ги врати достоинството и почитта и дека таа нема лидерство доаѓа од устата на човекот кој нема изборен легитимитет, којшто е поставен, како што е Ковачевски и тој зборува за лидерство малку е чудно“, рече Христијан Мицкоски, претседател на ВМРО-ДПМНЕ на денешниот дуелот во Само Вистина на телевизија Канал 5.
Мицкоски укажа дека тоа им чудно на многумина во јавноста.
Во однос на потписите собрани од граѓаните за Силјановска, претседателот на ВМРО-ДПМНЕ, Христијан Мицкоски вели дека тоа може многу лесно да се провери.
„Мнозинството во ДИК го има СДСМ и ДУИ зошто ја замајуваат јавноста и можат да ги отворат тие 28 илјади потписи и да видат дали има повеќе иле не. ВМРО-ДПМНЕ направи синергија помеѓу народот главниот суверен и вториот пратениците кога ја кандидираше“, кажа Мицкоски.