РАСТИТЕЛНИ МАСЛА, ШЕЌЕР, МЛЕЧНИ ПРОИЗВОДИ: Што се случува со цените на храната во светот?
Поевтинела храната во светот во декември лани.
Цените на храната имаат благо намалување во декември 2024 година, со значително поевтинување на шеќерот и стабилни цени на житарките, објави Агенцијата на ОН за храна и земјоделство (ФАО). На годишно ниво, во 2024 година, цените на храната се намалија за 2,1 отсто.
Цените на шеќерот се намалија за 5,1 отсто во декември, благодарение на подобрените прогнози за жетвата кај најголемите производители. Во споредба со декември 2023 година, шеќерот е поевтин за 10,6 отсто.
Цените на млекото и млечните производи се намалија за 0,7 отсто во декември, прв пат од април, поради пониска побарувачка за путер и акумулирани залихи. Во однос на декември претходната година, цените се повисоки за 17 отсто.
Цените на житарките останаа стабилни во декември, но на годишно ниво се за 13,3 отсто пониски. Цените на растителните масла се намалија за 0,5 отсто во декември, но во текот на 2024 година тие беа за 9,4 отсто повисоки од 2023 година.
Кај месото има мало зголемување на цените од 0,4 отсто во декември, додека на годишно ниво цените се зголемени за 7,1 отсто.
Во ноември лани имаше поскапување на повеќе намирници во светски рамки.
foto freepik.com/ azerbaijan_stockers
