Работник загина на градилиште, ДИТ вели работодавачот не ги презел мерките за безбедност и здравје
Државниот инспекторат за труд изразува жалење во врска со трагична несреќа на работното место.
Повредата на работа со смртни последици е случена на ден 17.01.2024 година на градилиште лоцирано на ул. 9 ти Мај бр. 8 Скопје, Центар на градежен објект во фаза на изградба на подземни гаражи.
По добиеното известување од страна на Министерството за внатрешни работи за случена повреда при работа ,веднаш од страна на Државниот инспекторат за труд извршен е вонреден инспекциски надзор и утврдено е дека работодавачот не ги превзел мерките од областа на безбедност и здравје при работа со што го довел работникот во непосредна опасност при извршување на работните задачи – армирачко бетонски работи на ѕидот од подземната гаража.
Поради постоење на непосредна опасност по животот и здравјето на вработените Државниот инспекторат за труд донесе решение за забрана за вршење на работа на градилиштето.
Државниот инспекторат за труд ја потенцира важноста на мерките од областа на безбедност и здравје при работа за сите работни места, особено во градежниот сектор чие превземање е неопходно во намалување на ризиците.
Инспекцискиот надзор ке продолжи и во наредните денови со увид во доставената документација од страна на работодавачот по што ке следи утврдување на целосната фактичка состојба и превземање на соодветни мерки согласно законската регулатива.
