Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 Одбележани 100 години од осветувањето на црквата Рождество на Пресвета Богородица во тетовско Сараќино
Македонија

Одбележани 100 години од осветувањето на црквата Рождество на Пресвета Богородица во тетовско Сараќино

21/09/2023

AA

Јубилеј 100 години од осветувањето на храмот Рождество на Пресвета Богородица беше одбележан денеска во тетовско Сараќино. На денот кога се слави патрониот празник Рождеството на Пресвета Богородица, литургијата ја водеше митрополитот тетовско-гостиварски г. Јосиф. По завршувањето на литургијата, беше извршен чинот на мал водосвет и беше прекршен празничниот колач.

Владиката г. Јосиф во својата беседа пред верниците порача дека се радува што во годината кога се исполнуваат првите десет години од формирањето на епархијата, во Сараќино освен празникот на храмот се слави и едно вековниот опстој

– Чувствувајќи ја денес таа празнична радост во овој храм кој оваа година по 100 пат од осветувањето го чествува својот празник, мора да кажам дека храмот е најважното место за секој еден христијанин. Храмот е душата на секој град и село. Она што е душата за човекот како личност и поединец, тоа е храмот Божји за едно населено место и за сите христијани. Сиот човеков живот, би рекол од раѓањето преку крштелниот купелот, па се до гробот е нераздвојно поврзан со храмот, порача митрополитот.

Тој потсети дека за овие 100 години во овој храм се случиле безброј радосни моменти, но тој е и сведок на многу тешки народни мигови, преживеал војни но останал да биде духовно прибежиште.

– Затоа секој од нас треба да се труди и во иднина да го чува и запази овој храм, кој го изградиле Вашите предци и го оставиле на вас, а вие пак како залог треба да се трудите овој заеднички дом да го сочувате за вашите чеда и внуци, кои доаѓаат после вас. Храмот е најголемото заедничко наследство кое една генерација може да го добие од своите предци. Храмот е духовно лечилиште, место, каде што сите заедно како црковна заедница се осветуваме и богоуподобуваме за да го здобиеме вечниот живот, истакна владиката.

На богослужбата учествуваа протојереј-ставрофор Мирко Станковски, протојереј Жарко Мицковски, парохискиот свештеник ереј Вељанчо Огненовски и ѓакон Славчо Ѓоргески.

Црковниот одбор по повод денешниот јубилеј на храмот на својот надлежен митрополит г. Јосиф му поклонија панагија со ликот на пресвета Богородица.

До осветувањето во 1923 година дошло по повеќегодишна изградба на црквата за која ктитори се верниците од Сараќино, а мајстор бил Андрија Трајковски од Лазарополе. Актуелниот црковен одбор има извршено повеќе обнови. Во 2012 година е изграден летниковец, а во 2015 година крстилница.

TACT.mk

Previous post
Next post
Последни Новини
Македонија

ПРЕТРЕС ВО РАДИОВЦЕ ПО ДОЈАВАТА ЗА БОМБА ВО ТЕТОВСКО Приведен

17/11/2026
Македонија

ДА НЕ БИДЕ УШТЕ ЕДНА ИЗМЕНА ЗАРАДИ ИЗМЕНА Македонија бара

17/11/2026
Македонија

ФАТЕН СО 500 ЕВРА ПОТКУП, ПРИВЕДЕН РАКОВОДИТЕЛ ВО ДЗС Парите

17/11/2026
Македонија

СТУДЕНТСКИОТ ДОМ „КУЗМАН ЈОСИФОВСКИ – ПИТУ“ ЌЕ БИДЕ ОТВОРЕН ВО

17/11/2026
Македонија

КРИМИНАЛНИ СТРУКТУРИ ОД МАКЕДОНИЈА БИЛЕ ЛОГИСТИКА ЗА АТЕНТАТ ВО ГРЦИЈА

17/11/2026
Македонија

ПРИТВОР ДО 30 ДЕНА ЗА КРИСТИЈАН КОРАБОСКИ ПО НАПАДОТ ВРЗ

17/11/2026
Македонија

ЦУК СПРЕМА АПЛИКАЦИЈА ШТО МОЖЕ ДА СПАСУВА ЖИВОТИ Граѓаните ќе

17/11/2026
Македонија

СДСМ ЈА ПРЕЗЕДЕ ДРЖАВАТА СО 4,7, А ЈА ОСТАВИ СО

17/11/2026
  • Економија 7906
  • Магазин 4842
  • Македонија 46807
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

ПРЕТРЕС ВО РАДИОВЦЕ ПО ДОЈАВАТА ЗА БОМБА ВО ТЕТОВСКО Приведен 18-годишник, одземен му е мобилен

17/11/2026

Осумнаесетгодишник од тетовското село Радиовце е приведен под сомнение дека испратил лажна дојава за поставена бомба во гимназијата „Кирил Пејчиновиќ“

ДА НЕ БИДЕ УШТЕ ЕДНА ИЗМЕНА ЗАРАДИ ИЗМЕНА Македонија бара извесност во разговорите со Софија

17/11/2026

Македонскиот Устав досега добил 36 амандмани, од кои, според претседателката Гордана Сиљановска-Давкова, 21 биле донесени со посредство на меѓународната заедница.

ФАТЕН СО 500 ЕВРА ПОТКУП, ПРИВЕДЕН РАКОВОДИТЕЛ ВО ДЗС Парите ги барал за позитивно мислење

17/11/2026

Раководител на сектор во Дирекцијата за заштита и спасување е лишен од слобода откако бил затекнат при примање 500 евра,

Novina.mk Novina.mk

©2022. All Rights Reserved.

Контакт
Privacy Policy