Објавено решението со кое градоначалникот на Карпош ги предава ингеренциите на член на Советот

Градоначалникот на Општина Карпош, Сотир Лукровски, донесе решение со кое советникот Неделчо Крстевски е назначен за негов заменик. Според документот објавен во „Службен гласник“ на Општината, Крстевски ќе раководи со локалната самоуправа за време на отсуството на градоначалникот.

Со ова решение, Крстевски добива значителни ингеренции кои вклучуваат:

По шпекулациите во јавноста дека Сотир Лукровски поднел оставка од функцијата, Општина Карпош излезе со официјален демант. Според соопштението од локалната самоуправа, градоначалникот е привремено отсутен поради здравствени причини.

„Општина Карпош ги демантира информациите дека градоначалникот Сотир Лукровски поднел оставка. Тој во моментов е на боледување и привремено е отсутен поради здравствени причини, за што замолуваме за разбирање“, наведуваат од општината.

Од јавно достапните информации, партијата СДСМ изрази сомнеж во мотивите за ваквата одлука. Од таму тврдат дека повлекувањето на Лукровски е стратешки потег за да се избегне лична кривична одговорност при потпишување на одредени документи, иако официјалниот став останува дека станува збор за оправдано здравствено отсуство.