Николоски: Реализацијата на капиталните инвестиции надмина 74%, бараме дополнителни 40 милиони евра за нови проекти
Вицепремиерот и министер за транспорт, Александар Николоски, во интервју за емисијата „Ноќно студио“ на 4TV.mk, објави дека во првите четири месеци од годината е постигнат рекорден степен на реализација на капиталните инвестиции од над 74%.
Според Николоски, ваквиот висок процент е резултат на интензивно планирање и подготвителни активности кои започнале уште минатата година. Тој нагласи дека овие средства се клучни за стопанството бидејќи директно влијаат врз развојот на над 30 стопански сектори.
Николоски упати и јавен повик до опозицијата да го посети Министерството, каде што на дневна основа е подготвен да ги презентира проектите и транспарентно да ја прикаже раздвиженоста на градежната оператива низ целата држава.
