На автопатот Велес-Скопје полицијата запре автобус со ученици кои оделе на екскурзија, возилото не било исправно

Полициски службеници од СВР Велес синоќа пресретнаа и одзедоа автобус кој превезувал ученици од екскурзија, откако возилото повеќепати останувало во дефект. Учениците се безбедно евакуирани и транспортирани кон Скопје со друго возило.

Алармот во полицијата бил кренат од страна на загрижен граѓанин чие малолетно дете се наоѓало во автобусот (сопственост на правно лице од Скопје) кој се враќал од екскурзија. Родителот пријавил дека патувањето е небезбедно бидејќи автобусот неколку пати по пат се расипувал и останувал во дефект.

Реагирајќи по пријавата, полициските патроли веднаш излегле на терен и го пресретнале возилото.

Со цел да се спречи евентуална трагедија, полицијата веднаш го одзела сомнителниот автобус. Возилото е пренесено во станица за технички преглед каде што треба официјално да се утврди неговата техничка (не)исправност.

Патниците, односно учениците, биле префрлени во друг автобус со кој безбедно го продолжиле патувањето и пристигнале до нивната крајна дестинација во Скопје.

Од СВР Велес информираат дека по добивањето на резултатите од вонредниот технички преглед и целосното комплетирање на случајот, против одговорните лица ќе бидат поднесени соодветни законски поднесоци.