Метео аларм за Македонија: Доаѓаат обилни врнежи од дожд и снег

Очекуваните врнежи од дожд во текот попладневните часови и за време на ноќта ќе предизвикаат зголемување на водостоите на реките низ земјава. Доколку локално бидат процесите поинтензивни можни се локални излевања кај суводолиците и помалите реки, како и локални проблеми кај дел од градските населени места.

Денес ќе има повремени слаби врнежи од дожд, а на на планините и на некои повисоки места од слаб снег. Ќе дува умерен до засилен северен ветер, особено долж Повардарието.

ВРЕМЕТО ДЕНЕС

Променливо облачно и студено со повремени врнежи од дожд, а на планините и на некои повисоки места од снег. Ќе дува умерен, а долж Повардарието засилен ветер од северен правец. Во Скопје облачно и студено, претпладне со слаб дожд. Ќе дува засилен ветер од северен правец.

ВРЕМЕТО УТРЕ

Променливо облачно со повремени слаби врнежи од дожд, на планините и некои повисоки места врнежите ќе бидат од снег. Ќе дува слаб до умерен ветер од северозападен правец, кој долж Повардарието повремено ќе засилува. Во Скопје променливо облачно, со слаб до умерен ветер од северен правец.