ИСТРАГАТА Е НАСОЧЕНА КОН РОДИТЕЛИТЕ: Исчезнувањето на Данка засега мистерија, блиските ќе треба да одат на полиграф
Исчезнувањето на 2 годишната Данка Илиќ од српскиот град Бор не е класично киднапирање, а истрагата е насочена кон родителите.
Полицијата ја опколи куќата, а багер копа во дворот на напуштената куќа во Банско Поље каде пред два дена исчезна детето.
„Сите досегашни резултати укажуваат дека девојчето не е на овој простор од околу 10 квадратни километри“, објави полицијата.
Медиумите пишуваат дека полицијата сега има нова трага, која истрагата ја води подалеку од местото на исчезнувањето. Телеграф.рс објави дека полицијата отвора шахти и околу куќата на семејството Илиќ.
Членови на семејството ќе мора да поминат на полиграф. Постарото дете, за кое мајката изјави дека му дава вода во моментот кога исчезнала малата Данка, до завршување на истрагата е предадено на чување кај неговите баба и дедо.
