БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Со влезот во ЕУ просечната плата ќе изнесува 1.300 евра, вели вицепремиерот за економски прашања, Фатмир Битиќи. 

Тој во интервју за „Слободен печат“, рече дека во програмата е предвидено во 2028 година просечната плата да изнесува 1.100 евра и таа ќе се зголеми за дополнителни 200 евра во првата година од влезот на државата во ЕУ, односно ќе биде 1.300 евра.

„Тоа се истите анализи со кои во 2020 предвидовме дека просечната плата во 2024 ќе биде 34.000 денари. Таа денес е 40.000, иако годината не е сè уште завршена. Затоа велиме дека при самиот влез во ЕУ просечната плата ќе достигне 1300 евра. Тоа е нешто што секој граѓанин го заслужува да го добие“, вели Битиќи. 

Инаку, од државите од поранешна Југославија, Македонија има најниски плати, а Словенија е на врвот со највисоки примања. Власта често споменува дека е реално до 2030 година да влеземе во ЕУ, но истите ставови не ги делат партиите од опозицијата.