И кажал дека е Бред Бит и и зел 830.000 евра: Французинка банкротираше од пуста љубов кон актерот
Полицијата за економски криминал на францускиот остров Реунион, одговорна за разоткривање разни финансиски измами, покрена истрага за кибер-измама каде што криминалците, претставувајќи се како „Бред Пит“, измамиле француска државјанка и ѝ зеле 830.000 евра во текот на една година.
Ова не е првпат измамници да го злоупотребат името на овој или други познати глумци и да измамат луѓе за пари. Слична истрага е во тек и во Шпанија. Таму на две жени кои се приклучиле како следачки на лажна интернет-страница на Бред Пит, биле измамени за вкупно 325.000 евра. Веста беше објавена лани, а беа уапсени пет лица.
Од украдените пари, тогаш биле пронајдени околу 94.000 евра, пишува „Варајети“.
Самиот Бред Пит, откако дознал за овие измами, ги предупредува своите обожаватели дека не е активен на социјалните мрежи и ако некој ги контактира со неговото име – тогаш тоа е лажен „Бред Пит“.
На интернет, покрај шегите околу наводната наивност на оштетената жена – засега позната само како „Ана“, исто така, се покренаа дебати за опасностите од социјалните мрежи, каде што неретко и не зависи сѐ од нечија наивност, според западните медиуми.
