ХРВАТСКА УРИВА ТУРИСТИЧКИ РЕКОРДИ: Подобро е од пред пандемијата, а една дестинација е посебно омилена
Во Хрватска, во првите шест месеци од годинава, 6,7 милиони
туристи оствариле 27,3 милиони ноќевања, што е за 16 или 10 отсто
повеќе во однос на истиот период лани и четири отсто повеќе ноќевања во однос
на првиот квартал од 2019 година.
Според податоците од eVisitor и eCrew кои ги објави HTZ,
само во јуни во Хрватска имало 2,9 милиони туристи или два отсто повеќе од
лани.
Министерката за туризам и спорт и претседател на ХТЗ
Николина Брњац рече дека верува оти сите можат да бидат задоволни од
туристичките показатели за првата половина од годинава.
„Одличните резултати од туристичкиот сообраќај, кој е над
нивото од истиот период во 2019 година, се придружени со рекордни финансиски
показатели. Според податоците на CNB, приходите од странски туристи за првиот
квартал изнесуваат 672 милиони евра, што во однос на референтните први три
месеци од 2022 година, претставува зголемување од 38 отсто, односно приходи
повисоки за 186 милиони евра. Сите овие податоци укажуваат дека сме на добар
пат, дека зад нас е една од најдобрите претсезони на хрватскиот туризам“, рече
таа.
Истра е број еден
Истра имала најмногу ноќевања за шест месеци, 8,5 милиони
или седум отсто повеќе од минатата година, а на второ место е Сплит-Далмација
со 4,7 милиони ноќевања или 11 отсто повеќе.
ФОТО: Unsplash/Vlado Sestan
