![Хорор: Млад фудбалер загина на тренинг, неговите соиграчи открија шокантни детали](https://novina.mk/wp-content/uploads/2024/03/topka-fudbal-crna-850x560.png)
Хорор: Млад фудбалер загина на тренинг, неговите соиграчи открија шокантни детали
Колумбискиот фудбалер Гиљермо Денис Белтран почина на 24-годишна возраст, на тренинг на неговиот боливиски клуб Реал Санта Круз.
Клубот соопшти дека Белтран починал од респираторна инсуфициенција, а неговите соиграчи рекоа дека почувствувал мачнина и набргу потоа паднал на земја.
Клупските лекари повикале брза помош, која направила обид за реанимација, но безуспешно.
„Тренираше како и обично, а потоа колабираше. Тие се обидоа да го реанимираат, но тој почина додека беше префрлен во болница “, рече директорот на Санта Круз, Адолфо Сорија Галваро.
Претседателот на Боливиската фудбалска федерација, Фернандо Коста изрази сочувство до семејството и рече дека ќе го поддржи клубот и семејството на Белтран. Тој додаде дека ќе се спроведе истрага.
Белтран минатата година пристигна во Санта Круз од Парагвајецот Рубио Ну и постигна еден гол на 21 натпревар.