Груевски се јави по најавите за екстрадиција од Унгарија
Поранешниот премиер Никола Груевски експресно реагираше на изјавите на министерот за правда, кој пред медиумите објаснуваше дека подготвува документација за екстрадиција по промените на власта во Унгарија. Груевски, преку социјалните мрежи, упати низа остри критики кон министерот, обвинувајќи го дека ја продолжува реториката на претходната власт.
Во своето долго обраќање, Груевски го прашува министерот за правда кој всушност владее со државата во моментов.
Наместо да се занимава со екстрадиција, Груевски му предлага на министерот подеднакво ревносно да ги истражи:
Поранешниот премиер уште еднаш ги негираше сите обвинувања за кои е осуден, повикувајќи го министерот лично да ги прочита, како што вели, „божемните докази и пресуди базирани на лажни претпоставки“. Тој се осврна на конкретните случаи:
Груевски го повикува актуелниот министер дискретно да ги праша судиите како примале нарачки за пресуди од кабинетот на поранешниот премиер Заев. Воедно, го советува да ги изгледа јавните сведочења, меѓу кои и интервјуто на поранешната обвинителка на СЈО, Лејла Кадриу, кое, според него, докажува дека „СЈО функционирало како штаб на СДСМ“.
На крајот, Груевски порачува дека не се чуди кога странците го нарекуваат криминалец, бидејќи тие ги следат само пресудите и не се должни да ги знаат деталите за, како што вели, „валканиот политички прогон со кој претходната власт се пресметуваше со неистомислениците пред промената на името“.
