Грковска: Посакувам мудрост во сѐ што зборуваме и сѐ што правиме за доброто на сите
Мир, спокој, слога и разбирање помеѓу сите, меѓу другото посака денеска, заменичката на владиниот претседател, задолжена за политики на добро владеење Славица Грковска по повод празникот Велигден.
– Честитки од срце за овој голем христијански празник. Посакувам мир во душите, спокој во семејствата, слога, разбирање меѓу сите. Мудрост во сѐ што зборуваме и сѐ што правиме за доброто на сите, да станеме достојни за христовата жртва, порача Грковска од пред Соборниот храм во Скопје.
