ФОТО Жена се вратила од одмор во Кенија: Му покажала на цариникот што носи во кутијата и предизвикала метеж
Цариниците на аеродромот во Минеаполис заплениле мала кутија со необична содржина од жена која се враќала од одмор во Кенија.
Неименувана жителка на Ајова им пријавила на полицајците што носи и предизвикала метеж. Во кутијата имало измет од жирафа!
„Бевме навистина шокирани. Обично немаме контакт со фекалии. Често го прегледуваме овошјето, зеленчукот или месото што го носат патниците, но не и ова“, соопштија надлежните.
Неименуваната патничка рекла дека планирала да го искористи изметот за да направи ѓердан.
„Претпоставуваме дека била на сафари и мислела дека пукањето на жирафата ќе биде уникатен додаток“, изјавија царинските службеници.
Запленетата содржина е одземена и уништена, а надлежните нагласуваат дека пренесувањето на измет од земја во земја претставува ризик по здравјето на луѓето.
Изметот, инаку, може да се внесува легално, но со посебни дозволи и по инспекциски преглед, пренесува CBS News.
Бидејќи жената пријавила дека има кутија со измет, нема да биде санкционирана. Доколку се обиде да го прошверцува, ќе се соочи со парична казна од 300 до 1.000 долари.
