Две ајкули видени во близина на брегот, капачите избегаа од водата: Тревога во Шпанија, пливањето забрането
Преплашените капачи избегале од водата откако две ајкули биле забележани во близина на брегот на популарна плажа во Шпанија .
Инцидентот се случил во понеделникот на популарната плажа Порт де ла Селва во близина на француската граница, откако две ајкули биле снимени како пливаат блиску до брегот.
Алармот го вклучиле капачите кои ги виделе перките во водата и веднаш ги известиле спасувачите, пренесува Мирор .
Само два дена претходно, ајкула долга два метри беше забележана во близина на плажа во јужна Франција.
Дејвид Симијан, главен спасител на плажата, рече дека евакуацијата била наредена како мерка на претпазливост откако виделе темна сенка во водата.
„Спасувачите го извадија чамецот и видоа дека се работи за ајкула. Се работи за сина ајкула која не претставува закана за луѓето“, рече тој.
Се верува дека и ајкулите кои се забележани во Шпанија се сини ајкули. Тие ретко касаат луѓе, но спасувачите алармираат и во двата случаи и забранија пливање.
За 400 години, во Шпанија се забележани само два каснувања од ајкула, а ниту еден не бил фатален.
Само пет напади на ајкули се регистрирани во Франција од 1847 година.
