ДСЗИ не виде грешка при третманот на починатото бебе на ГАК
Државниот санитарен и здравствен инспекторат (ДСЗИ) не утврдил неправилности во водењето на медицинската документација во случајот со починатото новороденче на 1 октомври, информира директорот на Инспекторатот, Кирил Лазов.
Како што појасни, при вонредниот надзор било констатирано дека родилката била примена како итен случај на 28 септември, а следниот ден била породена со царски рез. Новороденчето било префрлено на интензивна нега поради респираторни компликации и било медицински третирано согласно протоколите.
Од ДСЗИ најавија дека ќе побараат од Министерството за здравство формирање стручна комисија за целосна анализа на медицинскиот третман, при што клучен ќе биде и наодот од обдукцијата, кој сè уште не е готов.
Во меѓувреме, Клиниката за гинекологија информира дека преземала интерни мерки, додека родителите најавија кривична пријава, а Јавното обвинителство веќе отвори предмет за случајот.
